Dispoñible o banco de contidos de aulaPlaneta no Entorno Virtual de Aprendizaxe (EVA)
Desde este luns 12 de marzo xa está dispoñible no EVA o acceso ao banco de contidos de aulaPlaneta. Trátase dunha ferramenta coa que a comunidade educativa (profesorado, alumnado…) pode ampliar e enriquecer a súa información coa consulta ao banco de contidos dixitais. Ofrece a posibilidade de buscar unha información de diversas maneiras: a través do buscador de texto, do buscador visual, mediante procuras temáticas, etc.
Para poder acceder ao banco de contidos de aulaPlaneta é necesario acceder a un curso do Entono Virtual de Aprendizaxe (EVA) e premer na imaxe que aparece la columna da dereita:
Esta é a primeira entrega incremental planificada. Nas vindeiras semanas incorporarase un acceso ao repositorio de recursos de aulaPlaneta (máis de 7.800 recursos curriculares dixitais para 5º e 6º de Primaria, e máis de 12.500 para Secundaria), que estarán integrados co EVA para que podan incorporarse de xeito sinxelo, ofrecendo un seguemento individual das respostas dende o EVA, así como o caderno do docente e o caderno de estudo.
